Франция терма жамоаси қанот ҳимоячиси Люка Динь ЖЧ-2026 ярим финалида «уч ранглилар»нинг мағлубиятидан сўнг ўз ҳиссиётлари билан ўртоқлашди.
Французлар Испания терма жамоасига 0:2 ҳисобида имкониятни бой беришди. Европанинг амалдаги чемпионлари илк голни Динь Ламин Ямалга нисбатан қоидани бузганидан сўнг белгиланган пенальтидан киритишди.
«Ўзимдан хафаман. Шунингдек, жамоам учун, қилган барча саъй-ҳаракатларимиз учун ва бутун шу ажойиб жамоа учун қайғуряпман. Шунингдек, бизни шахсан қўллаб-қувватлагани келганлар ва Франция ҳамда дунёнинг барча бурчакларида биз учун мухлислик қилганлар ҳақида ўйлаяпман. Сизнинг қўллаб-қувватлашингиз бутун йўлимиз давомида бизга ёрдам берди», — деб ёзди Динь ижтимоий тармоқларда.
Дидье Дешам жамоаси Жаҳон чемпионатининг бронза медали учун Англия миллий терма жамоасига қарши баҳс олиб боради. Учрашув 19 июль кунига ўтар кечаси бўлиб ўтади.
