Англия терма жамоаси бош мураббийи Томас Тухель Жаҳон чемпионати ярим финалида Аргентинадан учралган мағлубиятдан (1:2) сўнг танқид остида қолди.
Инглизлар 55-дақиқада ҳисобни очгач, чуқур ҳимояга ўтиб олишди. Ўйин сўнгида эса аргентиналиклар иккита гол уриб, финал йўлланмасини қўлга киритишди. Журналист Мэтт Лоунинг маълумотига кўра, Англия терма жамоасининг айрим футболчилари ярим финал учрашуви давомида Тухель қабул қилган қарорлардан очиқчасига хафсаласи пир бўлган ва ҳатто шок ҳолатига тушишган. Жамоа ичида ўта эҳтиёткор ёндашув ва ҳимоявий ўзгаришлар рақиб вазифасини осонлаштиргани ҳақидаги фикрлар устунлик қилмоқда.
Ярим финалдаги омадсизликка қарамай, Томас Тухелга истеъфо хавф солмаяпти. Немис мутахассиси «уч шерлар»ни Евро-2028 мусобақасига тайёрлайди.
