Аргентина терма жамоасининг собиқ ҳужумчиси Эрнан Креспо «Атлас» клубига бош мураббий этиб тайинланди, дея хабар берди мексикаликлар жамоаси матбуот хизмати.
51 ёшли мутахассис билан тузилган шартнома муддати ҳозирча ошкор этилмаган. Креспонинг охирги иш жойи Бразилиянинг «Сан-Паулу» клуби бўлган, у ушбу жамоани март ойида тарк этган эди.
Бунгача аргентиналик мураббий Қатарнинг «Ал-Дуҳайл», БААнинг «Ал-Айн», Аргентинанинг «Банфилд» ва «Дефенса», шунингдек, Италиянинг «Модена» клубларида ишлаган.
Футболчи сифатида Креспо «Ривер Плейт», «Парма», «Лацио», «Интер», «Милан», «Женоа» ва «Челси» жамоаларида тўп сурган. Аргентина терма жамоаси сафида у 64 та ўйин ўтказиб, 35 та гол урган.
