Германиялик мутахассис Юрген Клопп Германия терма жамоаси бош мураббийи лавозимига тайинланганини тасдиқлади.
«Биз буни эълон қилишдан унчалик йироқ эмасмиз. Агар ҳаммаси идеал кетса, яқин кунларда буни маълум қиламиз», — деб келтиради Клоппнинг сўзларини журналист Фабрицио Романо «Х» ижтимоий тармоғида Magenta TV маълумотларига таяниб.
Аввалроқ матбуотда 59 ёшли мутахассис шу жума, 24 июль куни Франкфуртда Германия футбол иттифоқи билан шартнома имзолаши ҳақида хабарлар тарқалганди. Мураббийнинг шартномаси 2030 йилги жаҳон чемпионатига қадар мўлжалланган.
Клопп 2025 йилдан бери «Red Bull» компаниясида халқаро алоқалар бўйича директор лавозимида ишлаб келмоқда. Унинг ушбу компания билан шартномаси 2029 йил охиригача тузилган. «Red Bull»да ишлашдан олдин мутахассис 2015 йилдан 2024 йилгача «Ливерпул»ни бошқарган.
