АҚШда футбол бўйича жаҳон чемпионатининг финал учрашуви бўлиб ўтмоқда. Стадион таблосида биринчи таймдан кейин 0:0 ҳисоби ёниб турибди.

Биринчи таймда ўйин жуда эҳтиёткор кўриниш олди. Испанлар тўпга кўпроқ эгалик қилишди, бироқ аргентиналиклар ҳимояда аниқ ва компакт тарзида ҳаракат қилишди. «Қизил фурия» учрашув бошида ўйинни кескинлаштирди — Ламин Ямал дарвоза қаршисига чиқиб зарба берди, аммо рикошетдан сўнг дарвозабон тўпни қайтаришга муваффақ бўлди.

Танаффусга яқин эса Микель Оярсабаль ва Марк Кукурелья ўрта масофадан зарба беришди. Биринчи ҳолатда голкипер ўз вазифасини уддалади, иккинчисида эса тўп дарвоза устуни ёнидан ўтиб кетди.

Биринчи таймда Испания дарвозага 3 та зарба берди (2 таси аниқ), Аргентина эса бирорта ҳам зарба бера олмади!