Аргентина президенти Хавьер Милей миллий жамоанинг 2026 йилги жаҳон чемпионати финалида Испаниядан учралган мағлубиятидан сўнг футболчиларга мурожаат қилди.
«Катта раҳмат сизга. Сиз энг охиригача курашдингиз. Аргентина ҳар доим юқори чўққида бўлади», — дейилади мамлакат президентининг ижтимоий тармоқлардаги хабарида.
Мундиалнинг ҳал қилувчи баҳсида Аргентина «қизил фурия»га минимал ҳисобда, яъни 0:1 ҳисобида мағлуб бўлди. Қўшимча бўлимда ягона голни ҳужумчи Ферран Торрес киритди. Шуни таъкидлаш жоизки, аргентиналиклар ярим ҳимоячиси Энцо Фернандес майдондан четлаштирилгани сабабли учрашувни бир киши кам бўлиб якунлади.
