ФИФА томонидан тақдим этилган расмий статистикага кўра, Ўзбекистон миллий терма жамоаси ҳимоячиси Абдуқодир Ҳусанов Жаҳон чемпионатида ҳаракат қилган футболчилар орасида энг тезкорларидан бири бўлди.
Ҳусанов турнир давомида соатига 36,46 километр тезликни қайд этиб, мусобақанинг энг юқори тезликка эришган футболчилари рейтингидан жой олди. Ушбу кўрсаткич билан ўзбекистонлик ҳимоячи 6-поғонани банд этган бўлса, ҳимоячилар ўртасида 3-ўринни эгаллади.
ЖЧ—2026 нинг энг тезкор футболчилари рейтинги:
Килиан Мбаппе (Франция) — 37,61 км/соат
Энтони Эланга (Швеция) — 37,16 км/соат
Микки ван де Вен (Нидерландия) — 36,77 км/соат
Жордан Бос (Австралия) — 36,67 км/соат
Эрлинг Ҳоланд (Норвегия) — 36,52 км/соат
Абдуқодир Ҳусанов (Ўзбекистон) — 36,46 км/соат
Бредли Баркола (Франция) — 36,32 км/соат
Жед Спенс (Англия) — 36,22 км/соат
Тео Эрнандес (Франция) — 36,17 км/соат
Нелсон Семеду (Португалия) — 35,90 км/соат.
Эслатиб ўтамиз, Ўзбекистон терма жамоаси гуруҳ босқичида Португалия, Колумбия ва Конго ДРга қарши ўйин ўтказиб, барчасида мағлубиятга учраган эди. Абдуқодир Ҳусанов мазкур учрашувларнинг ҳаммасида иштирок этган.
