Эрве Ренар миллий терма жамоалар бозорида энг харидоргир мураббийлардан бири бўлиб қолмоқда. Тунис терма жамоасидаги қисқа муддатли фаолиятидан сўнг француз мутахассисига бирданига бир нечта федерация томонидан қизиқиш билдирилмоқда, деб хабар беради Foot Mercato.

Ренар учун энг асосий даъвогар сифатида Жанубий Корея кўрилмоқда. Маҳаллий ОАВ уни ЖЧ-2026 гуруҳ босқичидан сўнг лавозимини тарк этган Хон Мён Бо ўрнини эгаллашга энг муносиб фаворит деб ҳисобламоқда.

Шунингдек, француз мутахассиси ЖАР ва Сенегал терма жамоалари бош мураббийлигига номзодлар қаторидан жой олган. Бундан ташқари, Владимир Петкович кетган тақдирда, Жазоир ҳам унинг номзодини кўриб чиқиши мумкин.

Ренар ўз фаолияти давомида икки марта Африка миллатлари кубогида зафар қучган — 2012 йилда Замбия ва 2015 йилда Кот-д’Ивуар терма жамоалари билан.