35 ёшли бельгиялик ҳавбек Кевин де Брёйне 2026/2027 йилги мавсум охиригача амал қиладиган меҳнат шартномасига қарамай, шу ёзда «Наполи»ни тарк этиши мумкин. Бу ҳақда инсайдер Николо Скира ижтимоий тармоқлар орқали хабар бермоқда.
Манбанинг таъкидлашича, футболчининг Неаполь жамоасидаги ҳозирги мавқеи сабабли томонлар ҳамкорликни тўхтатиши мумкин. Де Брёйне «Наполи»нинг асосий ўйинчиси ҳисобланмайди.
Италия A Сериясининг ўтган мавсумида бельгиялик футболчи 18 та ўйинда майдонга тушиб, ўз ҳисобига 5 та гол ва 2 та голли узатма ёздириб қўйди. Ярим ҳимоячининг трансфер қиймати 8 миллион еврога баҳоланмоқда.
