Италиянинг «Комо» клуби Лондоннинг «Челси» ҳимоячиси Трево Чалобани ўз сафига қўшиб олишга қизиқиш билдирмоқда. Бу ҳақда журналист Фабрицио Романо ижтимоий тармоқларда маълум қилди.

Томонлар трансфернинг молиявий томони бўйича ҳали бир қарорга кела олишмаяпти. «Аристократлар» раҳбарияти футболчининг сотувидан камида 30 миллион евро ишлаб олмоқчи. «Комо» эса ҳозирча марказий ҳимоячи позицияси учун муқобил вариантларни кўриб чиқмоқда. Чалобанинг ўзи жорий ёзда бошқа клубга ўтишга манфаатдор.

Англия Премьер-лигасининг ўтган мавсумида ҳимоячи лондонликлар сафида 34 та ўйин ўтказди. Трево 3 та гол урди, 3 та сариқ карточка олди ва бир марта майдондан четлатилди.