Лондоннинг «Арсенал» клуби «Бенфика» ва Норвегия терма жамоаси вингери Андреас Шельдерупга қизиқиш билдирмоқда. Бу ҳақда журналист ва инсайдер Экрем Конур ижтимоий тармоқда хабар берди.

Бироқ лондонликлар норвегиялик футболчи учун ягона даъвогар эмас. «Тоттенхэм Хотспур» ва «Рома» клублари ҳам Шельдеруп атрофидаги вазиятни диққат билан кузатиб боришмоқда ҳамда ёзги трансфер ойнаси ёпилгунга қадар уни ўз сафига қўшиб олишга ҳаракат қилиб кўришлари мумкин.

«Бенфика» эса ўз футболчиси билан хайрлашишга шошилмаяпти, чунки вингернинг шартномасида 100 миллион евро миқдорида товон пули кўрсатилган. Бу эса Португалия клубига музокараларда устунлик беради. Ўтган мавсумда Шельдеруп клуб миқёсида 43 та ўйинда майдонга тушиб, 10 та гол урди ва 7 та голли узатмага муаллифлик қилди.