«Ал-Ҳилол» ҳужумчилар қидирувида бозорни ўрганишда давом этмоқда ва «Бавария» вингери Луис Диас билан музокаралар олиб бормоқда. Инсайдер Саша Тавольерининг X ижтимоий тармоғида хабар беришича, Саудия клуби колумбиялик футболчига солиқлардан ташқари йилига 25 миллион евро атрофида маош таклиф қилишга тайёр.
Манбанинг маълумотига кўра, «Ал-Ҳилол» Мюнхеннинг «Бавария» клуби билан музокаралар олиб бормаяпти ва 29 ёшли футболчи билан келишиб олмагунича уларни бошламайди.
Хабар қилинишича, Саудия клубининг ёзги трансфер ойнаси учун умумий бюджети 350 миллион евродан ошади. Агар футболчи ўтишга рози бўлса, «Ал-Ҳилол» Луис Диас учун 105 миллиондан 132 миллион еврогача бўлган суммани тўлашга тайёр.
