«Интер» спорт директори лавозимида фаолият юритаётган Пьеро Аузилио клубнинг трансфер бозоридаги ишлари ҳақида гапириб ўтди.

Функционердан яқинда Мадриднинг «Реал» клубига кўчиб ўтган Дензел Дюмфриснинг ўрнини тўлдириши керак бўлган ўнг қанот ҳимоячисини қидириш жараёни қандай кечаётгани ҳақида сўрашди.

«Ҳозирча номзодлар йўқ. Афсуски, Халаили билан муаммо юзага келди ва бу бизни секинлаштирди. Аммо ҳозир июль ойининг охири ва трансфер ойнаси ёпилгунига қадар яна бир ойдан ортиқ вақт бор. Вазият лойиҳамиз ва эҳтиёжларимизга мос келадиган футболчини шошилмасдан излашга имкон беради», — дейди Аузилио Sky Sports нашрига берган интервьюсида.

Анан Халаили бир неча кун олдин «Интер»га ўтиши керак эди. Бироқ Бельгиянинг «Юнион Сент-Жиллуаз» клубининг 21 ёшли футболчиси томонидан топширилган тиббий кўрик натижалари «нерадзуррилар»ни қониқтирмади.