«Тоттенхэм» ҳимоячиси Кристиан Ромеро «Барселона»га ўтиш орзуси туфайли «Интер»га бўлажак трансферини вақтинча тўхтатиб қўйишга қарор қилди.

Журналист Жанлуижи Лонгарининг хабар беришича, «Интер» аргентиналик ҳимоячининг трансфери бўйича «шпорлар» билан принципиал келишувга эришган. Бироқ футболчининг ўзи каталонияликлардан расмий таклиф кутаётгани сабабли Милан клубига ўтишга шошилмаяпти. «Барса» ҳам ўз навбатида футболчига қизиқиш билдирган.

Бироқ, яқинда ўтказилган Жаҳон чемпионатида кумуш медалга эга чиққан Ромеро учун «Барселона» фақат амалдаги таркибдаги ҳимоячилардан бирини сотиб юборгандан кейингина аниқ таклиф билан чиқа олади.

Бундан ташқари, Каталония клуби учун айни дамда асосий устувор вазифа ҳужум чизиғини кучайтириш бўлиб турибди. Ушбу позиция учун «Атлетико Мадрид» аъзоси Хулиан Альварес ҳамда «Борнмут» форварди Эли Жуниор Крупи асосий нишон бўлиб турибди.