Буюк Британия Бош вазири Эндрю Бёрнэм Халқаро футбол федерацияси (ФИФА) президенти Джанни Инфантино қитъа футбол конфедерациялари Жаҳон чемпионати ҳуқуқларини хусусий инвесторларга сотиш ғоясига қарши чиққанидан сўнг ўз лавозимини тарк этиши керак деб ҳисоблайди.
«Бу жуда ғазабни келтирадиган таклиф эди. Бундай режанинг изҳор қилинишининг ўзиёқ, менинг назаримда, ФИФА президенти ташкилотни бошқариш учун мос шахс эмаслигини кўрсатади», — дея Бёрнэмнинг сўзларини келтиради The Telegraph.
Пайшанба, 30 июль куни УЕФА агар ЖЧ ҳуқуқлари хусусий инвесторларга сотилса, ФИФА шафелигидаги турнирларни бойкот қилишга тайёрлигини эълон қилган эди. Ўша куни КОНКАКАФ ҳам ФИФА томонидан илгари сурилган бу ғояни рад этди. Жума, 31 июль куни эса Осиё футбол конфедерацияси (АФК) ҳам УЕФА ва КОНКАКАФнинг ушбу позициясини тўлиқ қўллаб-қувватлади.
