Журналист Бен Джейкобснинг talkSPORT орқали хабар беришича, «Ливерпуль» «Интер»нинг Куртис Жонсга бўлаётган қизиқишидан тобора норози бўлмоқда, чунки А Серия клуби ҳалигача расмий таклиф билан чиқмаган.
Хабарда айтилишича, «Интер» воситачилар орқали 25 миллион евро, 32 миллион евро ва энг охиргиси 35 миллион евролик учта таклиф билдирган, бироқ «Ливерпуль» уларни расмий таклиф деб ҳисобламаяпти.
«Ливерпуль» Жонсни камида 40 миллион еврога баҳоламоқда, айрим хабарларга кўра эса талаб қилинаётган сумма 50 миллион еврога яқин. «Қизиллар» агар «Интер» ярим ҳимоячини сотиб олишда жиддий бўлса, бевосита музокаралар олиб боришини истамоқда.
Жейкобснинг қўшимча қилишича, Жонснинг ўзи «Интер»га ўтиш вариантига қарши эмас. Агар Италия клуби трансфер ойнаси ёпилгунга қадар расмий сўров юборса, «Ливерпуль» футболчининг нархи бўйича ён беришга тайёр.
