Jurnalist Ben Djeykobsning talkSPORT orqali xabar berishicha, «Liverpul» «Inter»ning Kurtis Jonsga bo‘layotgan qiziqishidan tobora norozi bo‘lmoqda, chunki A Seriya klubi haligacha rasmiy taklif bilan chiqmagan.

Xabarda aytilishicha, «Inter» vositachilar orqali 25 million yevro, 32 million yevro va eng oxirgisi 35 million yevrolik uchta taklif bildirgan, biroq «Liverpul» ularni rasmiy taklif deb hisoblamayapti.

«Liverpul» Jonsni kamida 40 million yevroga baholamoqda, ayrim xabarlarga ko‘ra esa talab qilinayotgan summa 50 million yevroga yaqin. «Qizillar» agar «Inter» yarim himoyachini sotib olishda jiddiy bo‘lsa, bevosita muzokaralar olib borishini istamoqda.

Jeykobsning qo‘shimcha qilishicha, Jonsning o‘zi «Inter»ga o‘tish variantiga qarshi emas. Agar Italiya klubi transfer oynasi yopilgunga qadar rasmiy so‘rov yuborsa, «Liverpul» futbolchining narxi bo‘yicha yon berishga tayyor.