«Ливерпуль»нинг ўнг қанот ҳимоячиси Жереми Фримпонг «Лидс»га қарши ўртоқлик ўйинида жароҳат олди.

Учрашув «қизиллар»нинг 2:4 ҳисобидаги мағлубияти билан якунланди. Нидерландиялик латераль асосий таркибда майдонга тушди ва 77-дақиқада мажбурий равишда алмаштирилди.

«Жереми ўзи алмаштиришларини сўради, аммо бу жиддий жароҳат деб ўйламайман. У шунчаки толиққан ва ҳеч қандай жароҳат йўқ деб умид қиламан. Назаримда, бугун ҳеч кимни йўқотмадик», — деди жамоа бош мураббийи Андони Ираола «Ливерпуль» расмий сайтига берган интервьюсида.

9 август куни мерсисайдликларнинг навбатдаги ўртоқлик учрашуви бўлиб ўтади — уларнинг рақиби «Монако» бўлади.