Германия терма жамоасининг янги бош мураббийи Юрген Клопп миллий жамоага кенгайтирилган номзодлар доирасини аниқлаб олди. Welt нашрининг хабар беришича, мутахассис яқин орадаги ўйинларда имконият олиши мумкин бўлган 57 та майдон ўйинчисини дастлабки рўйхатга киритган.

Хабар қилинишича, асосий даъвогарлар қаторидан амалдаги терма жамоа етакчилари — Жонатан Та, Нико Шлоттербек, Йозуа Киммих, Александер Павлович, Жамал Мусиала, Флориан Вирц ва Кай Хаверц жой олган. Шу билан бирга, Клопп ёшларни фаол жалб қилиш ниятида ва илгари миллий терма жамоага номзод сифатида қаралмаган ўйинчиларга ҳам имконият беришга тайёр.

Рўйхатдан Антонио Рюдигер, Лерой Сане ва Леон Горецка каби тажрибали футболчилар билан бир қаторда, Кеннет Айхгорн, Ваэль Мохья, Монтрелл Калбрит ва Рафаэль Пинто Педроса каби ёш истеъдодлар ҳам жой олишди.

Германиянинг якуний қайдномаси УЕФА Миллатлар лигаси стартига яқин эълон қилинади. Сентябрь охири — октябрь бошларида терма жамоани Греция, Нидерландия ва Сербияга қарши ўйинлар кутмоқда.