Маурисио Почеттино АҚШ терма жамоаси бош мураббийи лавозимидаги фаолиятини давом эттиради. АҚШ Футбол федерациясининг расмий сайтида Почеттино билан шартнома 2030 йилги Жаҳон чемпионати якунига қадар узайтирилгани ҳақида эълон жойлаштирилди.
«Маурисио футболчилар жамоага, жараёнга ва бир-бирларига ишонадиган маданиятни шакллантирди. Биз ушбу ишончнинг таъсирини жамоанинг қандай ривожланганида, рақобатлашганида ва дунёнинг энг йирик аренасида қандай ўйин кўрсатганида кўрдик», — деди АҚШ Футбол федерацияси президенти Синди Парлоу-Кон.
Почеттино мезбонлик қилган ЖЧ-2026 мусобақасида АҚШ терма жамоасига устозлик қилган эди. Жамоа 1/8 финал босқичигача етиб бориб, у ерда Бельгияга 1:4 ҳисобида имкониятни бой берган.
