UFC’нинг ярим ўрта вазн (77 кг гача) тоифасидаги 34 ёшли амалдаги чемпиони, россиялик Ислам Маҳачев машғулотларга бўлган муносабати ҳақида фикр билдирди.
«Мени енгиш мумкин. Аммо бунга ким қодир? Ким мендан кўпроқ машғулот ўтказади? Биламан, ҳеч ким мендан кўпроқ машқ қилмайди. Руҳан тайёрман, жисмонан ҳам тайёрман ва ҳар қандай рақиб билан жанг қилишга қодирман», — деди Маҳачев Game Set Padel Podcast подкастида.
Эслатиб ўтамиз, 16 август куни АҚШнинг Филадельфия шаҳрида бўлиб ўтадиган UFC 330 турнирида Маҳачев ирландиялик Иан Гаррига қарши ярим ўрта вазндаги (77 кг гача) чемпионлик камарини ҳимоя қилади.
