«Сантос» ҳужумчиси Неймар профессионал футболчилик фаолиятини якунлаш эҳтимоли ҳақида фикр билдирди.

«Мен фаолиятни якунлаш ҳақида ўйламаяпман. «Сантос» билан шартномам декабргача мўлжалланган, мен клуб учун қўлимдан келган барча ишни қилишни хоҳлайман. Шундан сўнг ўз вариантларимни кўриб чиқаман. Қолиш, кетиш, фаолиятни якунлаш, ўйнашда давом этиш... Билмайман! Декабргача ҳали вақт бор. Кўрамиз», — деди Неймарнинг сўзларини журналист ва инсайдер Фабрицио Романо X ижтимоий тармоғида келтириб.

Эслатиб ўтамиз, Неймар қадрдон «Сантос» клубига 2025 йилда қайтган эди, унинг шартномаси жорий йилнинг декабрь ойи охиригача амал қилади. 2026 йилда ҳужумчи жамоа таркибида 16 та ўйинда майдонга тушиб, 8 та гол уришга эришди. «Сантос»дан ташқари, Неймар фаолияти давомида «Барселона», «ПСЖ» ва «Ал-Ҳилол» клубларида тўп сурган.