Жейдон Санчо «Манчестер Юнайтед»ни тарк этгач, Англиянинг қуйи лигаларидан биридаги клуб билан машғулот ўтказмоқда.
Эркин агент мақомида бўлиб турган 26 ёшли ярим ҳимоячи мамлакатнинг 10-дивизионида иштирок этувчи «Фликстон» базасида спорт формасини сақлаб турмоқда, деб хабар беради ESPN. Клубнинг машғулот мажмуаси «МЮ» базасидан бир неча километр узоқликда жойлашган.
«Аниқлик киритмоқчиманки, Жейдон клубда синов муддатида бўлгани йўқ ва ҳеч қандай трансфер муҳокамаларида иштирок этмади. У шунчаки жисмоний ҳолатини сақлаб туриш ва фаолиятининг кейинги босқичига тайёрланиш учун майдонимиздан якка тартибдаги машғулот ўтказиш мақсадида фойдаланди.
Жейдонга машғулотлар ўтказиш жойи сифатида «Фликстон»ни танлагани учун миннатдорчилик билдирамиз ва унга фаолиятининг кейинги босқичида муваффақиятлар тилаймиз, бу босқич, шубҳасиз, биз ҳозирда ўйнаётган даражадан анча юқори бўлади», – деди «Фликстон» эгаси Кристофер Гарсия клубнинг Инстаграмдаги саҳифасида эълон қилинган баёнотида.
