«Манчестер Сити» ҳимоячиси Раян Аит-Нури Мадриднинг «Атлетико» клубига қарши кечадиган ўртоқлик ўйини олдидан ўз фикрлари билан ўртоқлашди.
«Бу олдинги иккита ўйиндан бутунлай фарқ қиладиган баҳс бўлади. Бизга Европанинг энг кучли жамоаларидан бирига қарши майдонга тушиш жуда ёқади. Бу янги мавсумга муносиб ва яхши тайёргарлик кўришимизга ёрдам беради», — дейди ҳимоячи «шаҳарликлар» матбуот хизматига берган интервьюсида.
Олдинроқ «Манчестер Сити» Жанубий Корея лигаси терма жамоасини мағлуб этган (3:1) ва Миланнинг «Интер» клубига имкониятни бой берган эди (1:1, пенальтилар бўйича — 1:3).
