Донецкнинг "Шахтёр" клуби Чемпионлар лигасидаги уй учрашувларини Лондоннинг "Стэмфорд Бриж" стадионида ўтказиш имкониятини кўриб чиқмоқда. Бу ҳақда BBC хабар берди.
Манбага кўра, Украина клуби бу масала бўйича аллақачон музокараларни бошлаган. Тахминан 40 минг томошабинга мўлжалланган "Челси" аренаси ҳозирча "Шахтёр" учун устувор вариант ҳисобланмоқда.
Аввалроқ Донецк клуби "Фулхэм" ва "Брентфорд" стадионларини ҳам кўриб чиққан. Бироқ улар сиғими бўйича "Стэмфорд Бриж"дан кичикроқ.
Қайд этилишича, "Челси" янги мавсумда еврокубокларда иштирок этмайди. Лондон клуби ўтган мавсум Англия чемпионатини 10-ўринда якунлаган.
