«ПСЖ» бош мураббийи Луис Энрике Франция Суперкубоги доирасидаги «Ланс»га қарши ўйинда Брэдли Барколя ва Ибраим Мбайенинг қайдномага киритилмагани сабаби ҳақидаги саволга жавоб берди.
«Бу вазият ҳақида трансфер ойнаси ёпилганидан сўнг гаплашамиз», — дея матбуот анжуманида тўғридан-тўғри жавоб беришдан қочди Энрике.
Учрашувда «ПСЖ» «Ланс»га минимал 0:1 ҳисобида имкониятни бой берди. Ўйин тақдирини 32-дақиқада Флорьян Товен томонидан киритилган ягона гол ҳал қилди.
Мавжуд маълумотларга кўра, Барколя «Ливерпуль»га ўтишга розилик бериб бўлган, аммо «мерсисайдликлар» ҳали парижликлар билан трансфер шартларини келишиб олишлари керак.
