«Ливерпуль» бош мураббийи Андони Ираола Италиянинг «Комо» клубига қарши кечган ва 2:0 ҳисобида якунланган ўртоқлик ўйинидан сўнг жамоанинг янги ҳимоячилари Жереми Жаке ҳамда Рональд Араухонинг ўйинлари ҳақида ўз фикрлари билан ўртоқлашди.

«Ҳа, иккаласи ҳам жуда яхши таассурот қолдиришди. Жереми жуда ажойиб ўйнади, деб ўйлайман. Рональд ҳам майдонга тушганидан сўнг ўзини кўрсата олди. Бу жамоадаги икки янги аъзо ва иккаласи учун ҳам бу биринчи ўйин эди, лекин улар ўзларини энг яхши томондан кўрсатишди. Шунингдек, Жереми Фримпонг ҳам ўнг қанот ҳимоячиси позициясида 90 дақиқа ҳаракат қилиб, ҳужумда ёрдам берди ва ўз зонасини жуда яхши ёпди. Бугун ҳимояда сифатли ўйин кўрсатдик», — дейди Ираола мерсисайдликларнинг расмий сайтига.

Учрашувда «Ливерпуль» сафида голларга Коди Гакпо (23') ва янги харид Жереми Жаке (44') муаллифлик қилишди.

Эслатиб ўтамиз, Англия Премьер-лигасининг янги мавсум 1-турида «Ливерпуль» 23 август куни сафарда «Ньюкасл Юнайтед»га қарши майдонга тушади.