"Динамо" жамоаси ҳужумчиси Азизбек Амонов жароҳатдан тикланиб, умумжамоавий машғулотларга қайтди.
Ўзбекистон миллий жамоаси билан ЖЧ-2026да иштирок этиб қайтган 28 ёшли футболчи 18 июль куни Суперлига доирасидаги "Қизилқум" — "Динамо" (1:2) учрашувида жароҳат олган ва шундан сўнг бир муддат сафдан чиққан эди.
Қарийб бир ойлик тикланиш жараёнидан кейин Амонов яна машғулотларга қўшилди. Клуб тиббий бўлими маълумотига кўра, футболчи айни пайтда ўзини яхши ҳис қилмоқда, жароҳатидан тўлиқ тикланган ва жамоа билан умумий машғулотларда иштирок этяпти.
Эслатиб ўтамиз, "Динамо" 19 август куни Ўзбекистон Суперлигаси доирасида Олмалиқда ОКМК меҳмони бўлади. Учрашув соат 19:00 да бошланиши режалаштирилган.
