2026/27-йилги Элит Осиё Чемпионлар лигаси мусобақасининг лига босқичида учрашувлар ўтказиладиган саналар маълум қилинди.
Осиё Футбол Конфедерацияси томонидан ташкил этиладиган нуфузли мусобақанинг янги мавсумида 32 та клуб иштирок этади. Жамоалар Ғарб ва Шарқ минтақаларига бўлинган ҳолда беллашади.
Лига босқичи қуйидаги муддатларда ўтказилиши режалаштирилган:
1-тур: 14–16-сентябрь 2026 йил;
2-тур: 12–14-октябрь 2026 йил;
3-тур: 26–28-октябрь 2026 йил;
4-тур: 2–4-ноябрь 2026 йил;
5-тур: 23–25-ноябрь 2026 йил;
6-тур: Шарқ минтақасида 1–2-декабрь, Ғарб минтақасида 7–8-декабрь 2026 йил;
7-тур: 8–10-февраль 2027 йил;
8-тур: 15–17-февраль 2027 йил.
Лига босқичидан кейин мусобақанинг плей-офф учрашувлари март ойида, ҳал қилувчи баҳслар эса 2027-йилнинг апрель-май ойларида ўтказилади. Финал учрашуви 1-май куни Саудия Арабистонида бўлиб ўтиши кўзда тутилган.
