«Барселона» «Атлетико» ҳужумчиси Хулиан Альварес трансферидан воз кечиши мумкин.

Mundo Deportivo нашри хабарига кўра, каталонияликлар Мадрид клуби билан музокараларда сўнгги муддатни белгилаб қўйган. Унга 2-3 кун қолган. Агар шу вақт ичида вазият ижобий ҳал этилмаса, «кўк-анорранглилар» бошқа номзодларга эътибор қаратади.

Шу билан бирга, айни пайтда Альварес ҳамон «Барселона»нинг ҳужум чизиғини кучайтириш учун асосий трансфер мақсади бўлиб қолмоқда. Каталония клуби аргентиналик футболчини ўз сафига қўшиб олиш учун барча имкониятларини ишга солиш ниятида.

Ўтган мавсум Ла Лигада Альварес 29 та учрашувда майдонга тушиб, 8 та гол урди ва 4 та голли узатмани амалга оширди.