«Barselona» «Atletiko» hujumchisi Xulian Alvares transferidan voz kechishi mumkin.

Mundo Deportivo nashri xabariga ko‘ra, kataloniyaliklar Madrid klubi bilan muzokaralarda so‘nggi muddatni belgilab qo‘ygan. Unga 2-3 kun qolgan. Agar shu vaqt ichida vaziyat ijobiy hal etilmasa, «ko‘k-anorranglilar» boshqa nomzodlarga e’tibor qaratadi.

Shu bilan birga, ayni paytda Alvares hamon «Barselona»ning hujum chizig‘ini kuchaytirish uchun asosiy transfer maqsadi bo‘lib qolmoqda. Kataloniya klubi argentinalik futbolchini o‘z safiga qo‘shib olish uchun barcha imkoniyatlarini ishga solish niyatida.

O‘tgan mavsum La Ligada Alvares 29 ta uchrashuvda maydonga tushib, 8 ta gol urdi va 4 ta golli uzatmani amalga oshirdi.