Нидерландиялик ҳужумчи Ноа Ланг «Аталанта»га ўтиш вариантини рад этди.

Маълум бўлишича, Бергамо клуби футболчининг атрофидагилар билан алоқага чиққан, бироқ Ланг бу трансферга қизиқмаётганини билдирган.

Айни пайтда футболчи учун икки асосий вариант қолмоқда. Улардан бири — Амстердамнинг «Аякс» клуби, иккинчиси эса Туркиянинг «Галатасарой» жамоаси.

Қайд этилишича, «Галатасарой» аввалроқ Ланг трансферидан воз кечган эди. Бироқ нидерландиялик футболчининг баҳорда ижара асосида жамоа сафидаги ўйинларидан кейин турк клуби унга яна қизиқиш билдирмоқда.

Эслатиб ўтамиз, Италия А Сериясининг янги мавсуми шу ҳафта охирида старт олади. Биринчи турда «Наполи» «Женоа»га қарши майдонга тушади.