Niderlandiyalik hujumchi Noa Lang «Atalanta»ga o‘tish variantini rad etdi.

Ma’lum bo‘lishicha, Bergamo klubi futbolchining atrofidagilar bilan aloqaga chiqqan, biroq Lang bu transferga qiziqmayotganini bildirgan.

Ayni paytda futbolchi uchun ikki asosiy variant qolmoqda. Ulardan biri — Amsterdamning «Ayaks» klubi, ikkinchisi esa Turkiyaning «Galatasaroy» jamoasi.

Qayd etilishicha, «Galatasaroy» avvalroq Lang transferidan voz kechgan edi. Biroq niderlandiyalik futbolchining bahorda ijara asosida jamoa safidagi o‘yinlaridan keyin turk klubi unga yana qiziqish bildirmoqda.

Eslatib o‘tamiz, Italiya A Seriyasining yangi mavsumi shu hafta oxirida start oladi. Birinchi turda «Napoli» «Jenoa»ga qarshi maydonga tushadi.