«Манчестер Сити» бош мураббийи Энцо Мареска жамоа ярим ҳимоячиси Фил Фоденнинг ҳозирги ҳолати ҳақида фикр билдирди.

Италиялик мутахассиснинг таъкидлашича, 26 ёшли англиялик футболчи янги мавсум олдидан жисмоний ва руҳий жиҳатдан яхши ҳолатда. Фоденнинг ўзи ҳам Мареска қўл остидаги даврни «янги бошланиш» сифатида баҳолаб, мураббий билан аввалдан таниш экани мослашиш жараёнини енгиллаштираётганини айтган.

«Менимча, Фоден сўнгги ўйинни яхши ўтказди. Унинг яхши формада экани кўриниб турибди. Биринчи кунданоқ жуда яхши таассурот қолдирмоқда.

Клубдагиларнинг айтишича, ўтган ёки ундан аввалги мавсумдаги Фил билан ҳозирги Фил ўртасида, айниқса, кайфияти ва майдонда кўрсатаётган ўйини жиҳатидан катта фарқ бор. Бизга айнан шу керак.

Фил — академиямиз тарбияланувчиси, у ўзимизники. Унинг қандай ривожланаётганини кўриш барчага ёқимли», — деди Мареска.

Фоден «Манчестер Сити» академияси тарбияланувчиси ҳисобланади. Жамоа янги мавсумни катта ўзгаришлар билан бошламоқда — Мареска Пеп Гвардиола давридан кейин клуб бошқарувини қабул қилиб олди.

«Манчестер Сити» Англия Премьер-лигасининг биринчи турида ўз майдонида «Борнмут»ни қабул қилади.