"Аталанта" швейцариялик ҳужумчи Брель Эмболо билан шартнома имзолади.
Клуб маълумотига кўра, 29 ёшли футболчи билан тузилган келишув 2030 йилнинг 30 июнига қадар амал қилади.
Эмболонинг аввалги жамоаси "Ренн" эди. У француз клуби сафида 2025 йил сентябридан буён тўп тепиб келаётганди. Унинг "Ренн" билан шартномаси 2029 йилнинг 30 июнигача мўлжалланган эди.
2025/26 йилги мавсумда Эмболо барча мусобақалар доирасида 34 та ўйинда майдонга тушиб, 10 та гол урди ва 3 та голли узатма амалга оширди.
Transfermarkt портали Швейцария терма жамоаси аъзосининг бозор қийматини 15 миллион евро деб баҳоламоқда. Манбага кўра, "Аталанта" футболчининг трансфери учун тахминан 15,5 миллион евро тўлаган.
