"Atalanta" shveysariyalik hujumchi Brel Embolo bilan shartnoma imzoladi.

Klub ma’lumotiga ko‘ra, 29 yoshli futbolchi bilan tuzilgan kelishuv 2030 yilning 30 iyuniga qadar amal qiladi.

Emboloning avvalgi jamoasi "Renn" edi. U fransuz klubi safida 2025 yil sentyabridan buyon to‘p tepib kelayotgandi. Uning "Renn" bilan shartnomasi 2029 yilning 30 iyunigacha mo‘ljallangan edi.

2025/26 yilgi mavsumda Embolo barcha musobaqalar doirasida 34 ta o‘yinda maydonga tushib, 10 ta gol urdi va 3 ta golli uzatma amalga oshirdi.

Transfermarkt portali Shveysariya terma jamoasi a’zosining bozor qiymatini 15 million yevro deb baholamoqda. Manbaga ko‘ra, "Atalanta" futbolchining transferi uchun taxminan 15,5 million yevro to‘lagan.