Бугун, 24 август куни футбол бўйича Ўзбекистон Суперлигасининг 19-тур учрашувлари давом эттирилади.

Кун тақвимидан фақат битта ўйин ўрин олган. "Қўқон-1912" ўз майдонида "Бухоро"ни қабул қилади. Учрашув соат 19:00 да бошланади.

Мазкур баҳс олдидан "Бухоро" 18 та учрашувда 33 очко тўплаб, турнир жадвалида 4-ўринни эгаллаб турибди. "Қўқон-1912" эса 18 очко билан 15-поғонада жойлашган.

Қўқонликлар сўнгги икки турда яхши натижа қайд этди: аввал "Локомотив"ни 2:1, кейин эса "Бунёдкор"ни 1:0 ҳисобида мағлуб қилди.

Жамоаларнинг жорий мавсумдаги биринчи ўзаро учрашувида "Бухоро" 1:0 ҳисобида ғалаба қозонган.

Эслатиб ўтамиз, 19-турнинг дастлабки баҳсида "Нефтчи" "Сўғдиёна"ни 3:0 ҳисобида мағлуб этди. Натижада фарғоналиклар очколари сонини 45 тага етказиб, пешқадамликни мустаҳкамлади.