"Сабаҳ" ярим ҳимоячиси Умарали Раҳмоналиев жамоасининг ЕЧЛга чиққанидан кейин журналистлар саволларига жавоб берди.
Ўзбекистонлик футболчидан ушбу натижадан сўнг Озарбайжон ва Ўзбекистон халқларига қандай фикр билдириши сўралди.
Раҳмоналиев икки мамлакат ўртасидаги яқинликни алоҳида таъкидлаб, Озарбайжонда ўзини бегона ҳис қилмаслигини айтди.
— Озарбайжон ва Ўзбекистон халқларини узоқ йиллик қардошлик ришталари боғлаб туради. Икки мамлакат президентлари ўртасида ҳам илиқ муносабатлар мавжуд. Шунинг учун Озарбайжонда ўзимни худди ўз уйимдагидек ҳис қиламан. Бу ердаги халққа менга кўрсатаётган муносабати учун катта раҳмат айтаман, — деди футболчи.
