УЕФА Чемпионлар лигаси матбуот хизмати Х ижтимоий тармоғида мусобақанинг 2026/2027 йилги мавсумида фойдаланиладиган янги ўйин тўпини тақдим этди.

Янги тўп Чемпионлар лигасининг умумий босқичи учрашувларида, шунингдек, плей-офф баҳсларида қўлланилади.

Эртага, 27 август куни Чемпионлар лигаси умумий босқичига қуръа ташлаш маросими бўлиб ўтади. Қуръа саралаш босқичининг барча учрашувлари якунланганидан сўнг ўтказилади.

Эслатиб ўтамиз, УЕФА Чемпионлар лигасининг амалдаги ғолиби Франциянинг «Пари Сен-Жермен» клуби ҳисобланади. Парижликлар 2025/2026 йилги мавсум финалида Лондоннинг «Арсенал» клубини асосий ва қўшимча вақтдаги 1:1 ҳисобидан сўнг пенальтилар сериясида 4:3 ҳисобида мағлуб этган.

Жорий мавсум Чемпионлар лигаси финали 2027 йил 5 июнь куни Испаниянинг Мадрид шаҳридаги «Метрополитано» стадионида бўлиб ўтади.