"Ливерпуль" "Кристал Пэлас" ва Сенегал терма жамоаси вингери Исмаила Сарр трансфери бўйича музокара олиб бормоқда. Бу ҳақда инсайдер Фабрицио Романо X ижтимоий тармоғида хабар берди.

Манба маълумотига кўра, мерсисайдликлар футболчи учун тахминан 50 миллион фунт, яъни 58 миллион евро миқдорида таклиф юборган. Саррнинг ўзи ҳам ушбу трансфер амалга ошишига қизиқиш билдирмоқда.

Аввалроқ "Кристал Пэлас" Туркиянинг "Галатасарой" клубидан келиб тушган икки таклифни рад этган.

Сарр 2026 йилги жаҳон чемпионатида Сенегал терма жамоасининг энг яхши тўпурари бўлди. У мусобақада 4 та ўйинда 4 та гол урди.

Ўтган мавсумда 28 ёшли футболчи "Кристал Пэлас" сафида барча мусобақаларда 45 та учрашувда майдонга тушиб, 21 та гол урди ва 2 та голли узатмани амалга оширди.

Саррнинг Лондон клуби билан амалдаги шартномаси 2029 йил ёзига қадар мўлжалланган. Transfermarkt портали унинг бозор қийматини 45 миллион еврога баҳоламоқда.