«Фиорентина» ҳужумчи Жошуа Зиркзеега қизиқиш билдирмоқда. Бу ҳақда журналист Маттео Моретто хабар берди.
Италия клуби «Манчестер Юнайтед»га футболчини тахминан 5 миллион евро эвазига ижарага олиш ва кейинчалик сотиб олиш ҳуқуқини ўз ичига олган таклифни тақдим этган.
Томонлар ўртасида музокаралар давом этмоқда ва эҳтимолий келишув бўйича ижобий кайфият мавжуд.
Ой бошида 25 ёшли футболчига «Ювентус» ҳам қизиқиш билдиргани хабар қилинганди.
Зиркзее 2025/26 йилги мавсумда 24 та учрашувда майдонга тушиб, 2 та гол урди ва 1 та голли узатмани амалга оширди.
