«Бешиктош»нинг «Рейнджерс» таянч ярим ҳимоячиси Николас Раскин бўйича таклифи рад этилди. Бу ҳақда STV Sport хабар берди.
Туркия клуби сўровни чоршанба куни кечқурун юборган. Туркияда трансфер ойнаси жума куни ёпилади, Шотландияда эса бу жараён пайшанба куни якунланган. Шу боис клублар 25 ёшли футболчининг трансфери бўйича келишувга эриша олмади.
Бельгиялик футболчи 2023 йил январидан буён «Рейнджерс» шарафини ҳимоя қилиб келмоқда. У Бельгия терма жамоаси сафида 19 та учрашувда 2 та гол урган. Transfermarkt унинг бозор қийматини 19 миллион евро деб баҳолаган.
Аввалроқ «Рейнджерс» бош мураббийи Дерек Макиннес Раскиннинг кетиши фақат катта миқдордаги таклиф тушган тақдирдагина кўриб чиқилишини айтган эди.
