«Монако» Франция чемпионатининг 3-туридан ўрин олган учрашувда «ПСЖ»ни 2:1 ҳисобида мағлуб этди.

Баҳс 4 сентябрь куни Париждаги «Парк де Пренс» стадионида бўлиб ўтди.

Биринчи бўлимда парижликлар ҳимоячиси Маркиньос ҳисобни очди. Унга голли узатмани Хвича Кварацхелия амалга оширди.

Танаффусдан сўнг Флавиу Назинью ҳисобни тенглаштирди. 72-дақиқада эса меҳмонлар олдинга чиқиб олди. Станис Идумбо Александр Головиннинг узатмасидан сўнг гол киритди.

Шу тариқа, «Монако» учта ўйинда учта ғалаба қайд этиб, 9 очко билан Франция чемпионати турнир жадвалида якка пешқадам бўлиб турибди. «ПСЖ» эса мавсумни икки дуранг ва бир мағлубият билан бошлади. Парижликлар 2 очко билан 12-ўринни эгаллаб турибди.

Лига 1нинг 4-турида «Монако» 12 сентябрь куни сафарда «Страсбур»га қарши ўйнайди. «ПСЖ» эса бир кундан сўнг меҳмонда «Брест» билан баҳс олиб боради.

Франция Лига 1. 3-тур

04.09.2026 | Париж, «Парк де Пренс»

«ПСЖ» — «МОНАКО» — 1:2

Голлар: Маркиньос 31’ (1:0) — Назинью 58’ (1:1), Станислас Идумбо 72’ (1:2).

«ПСЖ»: Матвей Сафонов, Маркиньос, Вильян Пачо, Уоррен Заир-Эмери (Лукас Эрнандес, 63), Ашраф Хакими, Жоау Невеш, Фабиан Руис (Фернандес, 76), Витинья, Магнес Аклиуш (Усман Дембеле, 68), Хвича Кварацхелия (Мика Годтс, 68), Дезире Дуэ (Ферран Торрес, 63).

«Монако»: Лукаш Градецки, Эрик Дайер, Бакари Сане, Назинью, Вандерсон (Джордан Тезе, 52), Денис Закария, Ламин Камара, Александр Головин (Кристиан Мависса, 87), Станислас Идумбо (Бензахра, 87), Мамаду Кулибали (Субейр, 73), Пэрис Бруннер (Маттис Аблен, 73).

Огоҳлантиришлар: Лукас Эрнандес (68) — Джордан Тезе (68).