«Реал» бош мураббийи Жозе Моуринью Эндрик Чемпионлар лигасида «Интер»га қарши ўйинда атиги бир неча дақиқа майдонда ҳаракат қилиши мумкинлигини айтди.

«Эртага у 5 дақиқа ўйнашга тайёр бўлиши мумкин. Ёки кўпи билан 10 дақиқа. Ҳозирча шу», — деди Моуринью.

Бразилиялик ҳужумчи кеча жамоавий машғулотларга қайтганидан сўнг илк бор асосий таркиб футболчилари билан бирга шуғулланди.

«У кеча илк марта жамоа билан машғулот ўтказди», — дея тушунтирди «Реал» устози.

Моуриньюнинг фикрича, Эндрик ҳозирча катта ўйин вақти олиш учун етарли даражада тайёр эмас.

«У 5–10 дақиқадан кўпроқ ўйнаш учун етарли жисмоний ҳолатда эмас», — деди португалиялик мутахассис.

Шу тариқа, 20 ёшли ҳужумчи «Интер»га қарши баҳсда захирадан қисқа муддатга майдонга тушиши мумкин. Моуринью унинг ўйин вақтини эҳтиёткорлик билан назорат қилишни режалаштирмоқда.

Эндрикнинг қайтиши «Реал»га ҳужум чизиғида яна бир вариант беради, аммо унинг ҳозирги жисмоний ҳолати сабаб футболчи «Интер»га қарши узоқ вақт майдонда қолиши кутилмаяпти.