«Интер» ҳужумчиси Лаутаро Мартинес жамоанинг Чемпионлар лигасидаги асосий мақсади ҳақида гапирди. Аргентиналик футболчининг айтишича, «нерадзуррилар» бош совринни қўлга киритишни мақсад қилган.
«Чемпионлар лигасида ғалаба қозонишми? Бу бизнинг мақсадимиз. Ҳар биримизнинг орзуларимиз бор, аммо бу шунчаки васваса эмас, бундан каттароқ мақсад. Биз хотиржамликни сақлашимиз керак, чунки турнирда кўплаб кучли жамоалар иштирок этмоқда. Аммо бу, албатта, бизнинг мақсадимиз.
Бу ерга илк бор келганимдан бери «Интер»га имкон қадар кўпроқ соврин олиб келиш учун ишлашимиз кераклигини такрорлаб келаман», — деди Мартинес журналистларга.
«Интер» Европа чемпионлар кубоги ва Чемпионлар лигасида уч марта — 1964, 1965 ва 2010 йилларда ғолиб чиққан.
