«Inter» hujumchisi Lautaro Martines jamoaning Chempionlar ligasidagi asosiy maqsadi haqida gapirdi. Argentinalik futbolchining aytishicha, «neradzurrilar» bosh sovrinni qo‘lga kiritishni maqsad qilgan.

«Chempionlar ligasida g‘alaba qozonishmi? Bu bizning maqsadimiz. Har birimizning orzularimiz bor, ammo bu shunchaki vasvasa emas, bundan kattaroq maqsad. Biz xotirjamlikni saqlashimiz kerak, chunki turnirda ko‘plab kuchli jamoalar ishtirok etmoqda. Ammo bu, albatta, bizning maqsadimiz.

Bu yerga ilk bor kelganimdan beri «Inter»ga imkon qadar ko‘proq sovrin olib kelish uchun ishlashimiz kerakligini takrorlab kelaman», — dedi Martines jurnalistlarga.

«Inter» Yevropa chempionlar kubogi va Chempionlar ligasida uch marta — 1964, 1965 va 2010 yillarda g‘olib chiqqan.