Альваро Арбелоа 2025/26 йилги мавсум якунлангач, "Реал"ни совринга олиб кела олмаганидан сўнг бош мураббийлик лавозимини тарк этган эди. Ёзда испаниялик мутахассис "Фулхэм"ни қабул қилди, аммо жамоа янги мавсумни омадсиз бошламоқда.
Премьер-лиганинг дастлабки 3 турида "Фулхэм" барча учрашувларда мағлуб бўлди. Турнир жадвалида лондонликлардан пастда фақат 0 очкога эга ва тўплар нисбати ёмонроқ бўлган "Ковентри" жойлашган.
Сўнгги соатларда Англия ОАВида Арбелоа дуч келаётган муаммолар кенг муҳокама қилинмоқда.
"Кристал Пэлас"га қарши дербидаги мағлубиятдан кейин "Фулхэм" мухлислари тахминан "Бу нима эди ўзи?" мазмунидаги шиорларни айтган.
Бироқ мураббий учун янада жиддий муаммо жамоа футболчилари билан боғлиқ бўлиши мумкин. The Sun маълумотига кўра, сўнгги ўйинда захирада қолган Кевин ижтимоий тармоқда "Эшитмайман, гапирмайман, кўрмайман" деган ёзувли сирли суратни жойлаган.
Эмил Смит-Роу ва Алекс Ивоби эса ижтимоий тармоқдаги саҳифаларидан "Фулхэм"га алоқадор барча суратларни ўчириб ташлаган.
Ўйин амалиётига эга бўлмаётган Кенни Тете эса мухлислардан бири вазияти ҳақида сўраганда: "Ўша лаънати мураббий билан гаплаш", — деб жавоб берган.
Шу тариқа, Арбелоа учун вазият анча мураккаблашган. Олдинда "Фулхэм"ни Премьер-лигада "Ливерпуль" ва "Манчестер Юнайтед"га қарши оғир ўйинлар кутиб турибди.
