Франциялик ҳимоячи Жюль Кунде «Барселона»нинг Чемпионлар лигасидаги янги мавсумдаги илк учрашувида майдонга тушди. Турнир фаворитларидан бири бўлган каталонияликлар Роттердамнинг «Фейеноорд» жамоасини қийинчиликсиз мағлуб этди.
2022 йилда Испаниянинг бошқа бир клуби — «Севилья»дан «Барселона»га ўтган Кунде учун бу барча турнирларда клуб сафидаги 193-ўйин бўлди. Шу тариқа у жамоанинг собиқ футболчиси Эрик Абидал натижасини такрорлади.
Айни пайтда Кунде ва Абидал «Барселона» сафида энг кўп ўйин ўтказган француз футболчилар бўйича рекордни биргаликда ушлаб турибди. Бироқ Кунде яқин орада ушбу натижанинг ягона эгасига айланиши кутилмоқда.
