Fransiyalik himoyachi Jyul Kunde «Barselona»ning Chempionlar ligasidagi yangi mavsumdagi ilk uchrashuvida maydonga tushdi. Turnir favoritlaridan biri bo‘lgan kataloniyaliklar Rotterdamning «Feyenoord» jamoasini qiyinchiliksiz mag‘lub etdi.
2022 yilda Ispaniyaning boshqa bir klubi — «Sevilya»dan «Barselona»ga o‘tgan Kunde uchun bu barcha turnirlarda klub safidagi 193-o‘yin bo‘ldi. Shu tariqa u jamoaning sobiq futbolchisi Erik Abidal natijasini takrorladi.
Ayni paytda Kunde va Abidal «Barselona» safida eng ko‘p o‘yin o‘tkazgan fransuz futbolchilar bo‘yicha rekordni birgalikda ushlab turibdi. Biroq Kunde yaqin orada ushbu natijaning yagona egasiga aylanishi kutilmoqda.
