Камерун футболида коррупция билан боғлиқ можаролар, хусусан, Самюэль Это’о атрофидаги баҳслар давом этмоқда.
Derbyderbyderby.it нашри The Times маълумотларига таяниб хабар беришича, Это’о 2023 йили Россия ва Камерун терма жамоалари ўртасидаги ўртоқлик учрашуви вақтида федерацияга юборилган 500 минг еврони ўзлаштирган. Гўёки, пуллар футболчига Қатардаги банк орқали келиб тушган ва федерация ҳисобига ўтказилиши керак бўлган.
Бироқ манба бу айбловларни тасдиқловчи ҳеч қандай ҳужжатли далил келтирмаган.
